nici's menu
 Goto miami24-06-2006 gallery. Activate JavaScript to see this gallery on this page.
Hi Lüüt!
Sodeli...Jetzt beni au scho zMiami...de Flog esch de Hammer gsi! Mer send met 20Minute Verspötig öppe abgfloge, aber händs dänn fast no pönktlech gschafft. Ich be metem Florian greist (dä gsänder do obe ofem Fötelil). Er esch aber imFlüüger ned näbe mer ghocket (5 Reihe vor mer;))... Näbe mer esch en Gschäftsmaa ghocket, en mega tolle Typ. Er esch gschäftlech zLuzern gsi ondschaffet i de Informatik. Er schafft jedoch hauptsächlech zMiami ond er wohnt sett im Februar zMiami, aber esch en Schwiizer. Au hät er mer verzellt, dass er i de USA ufgwachseesch. Vo dem her häter super Schwiizerdüütsch chöne:). Jo, so hät er mer no mega fell öber Miami chöne verzelle. Er hät au gseit, dass er emmer so gspannt esch, wer näbe ehm im Flüügerhockt, well de letscht hät no dHölfti vo siim Setz bruucht.:) No öbis zu de Passkontrolle...scho sZöri hät mer öppe 4 mol de Pass mösse zeige, ächt gsponne. Währendem Flog hani mösse zweu Zettel usfölle, wo dänn bruuchsch, wänn döt landisch. Die häsch dänn döt mösse vorwiise. De Flog esch super gsi ond dSwiss esch ächte super Floggsellschaft (nor dSetz för Amis send chli äng:P). Mer händ öppe 4 mol gässe, d.h. mer händ Chicken, Pizza bes zu Mövenpick Glace alles öbercho. sOnterhaltigsprogramm esch au supergsi, jede hät siin eignige Beldscherm gha ond du häsch chöne game, Musig lose, Felm luege, eifach alles.:) Womer zMiami acho send, häts scho gwetteret...Kuum usem Flüüger usecho, häts agfange...mer send öppe am 17:45 nach amerikanischer Ziit döt glandet... dänn hämer mösse dor Passkontrolle...alsozerst händs de Fötzel welle gseh, wod häsch mösse usfölle (wege Alkoholproblem, was für en Gäldwert metgno häsch etc.)...dänn häsch mösse anen Schalter, wosvo der Fengerabdröck gno händ, de Pass händ welle gseh ond dänn no es Föteli vo der gmacht händ (sie händ au no Froge gstellt). Dänn eschs wiiter gange...Dänn häts gheisse: Koffere hole:)...dasch au no sone Sach gsi...bes ich gwösst han...wo die send:) Esch no cheibe gross da Züüg:) Schlossändli hani de Kofferdänn aber becho...ond de Florian ond ich händ dänn de EF-Typ gsuecht... döt hämer dänn no anderi Lüüt us Pole, Italie ond so troffe... Mer händ aberno es Ziitli mösse am Airport warte, well es hät grägnet...ond die händ e chli es Problem gha...well eres Auto kei Dach gha hät *smile*...spöter semmerdänn zo eusere Schuel gfahre worde...dänn hämer sProgramm för die Woche becho ond de Zemmerschlössel...:) So zuefälligerwiis beni grad no met de Cindyim Zemmer...met ere hani scho lang Kontakt gha öber MSN.:) Jo... das wärs öppe gsi...Jetzt beni au 20 Stond wach ... ha im Flüüger ned gschlofe...döt häts vell zfell interessanti Sache gä:)...Hehe...But now, it's time to go to bed.:) Ich werd morn weder schriibe... Ehr werdet vo mer ghöre.Lg Nicole:D

2208


Copyright © 2009 by niciworld.ch